فرق السن فى العلاقه العاطفيه

السلام عليكم و رحمه الله و بركاته
انا عايزه اتكلم معاكو في موضوع مهم اوي بس انا مش عارفه لو كان في حد اتكلم فيه قبل كده او لا....المهم ندخل في الموضوع على طوول
لو قابلت او قابلتي شخص مناسب بس السن مش مناسب للارتباط الحل يكون ايه؟؟
يعني بتوضيح اكتر لو الولد اتعرف على واحده كويسه و بنت ناس بس اكبر منه ب 5 سنين مثلا بس هما الاتنين تفكيرهم قريب من بعض
و العكس لو البنت قابلت ولد كويس و مناسب للارتباط بس اصغر منها ب 3-4-5 سنين مثلا برده
و حبوا بعض ايه اللي هيحصل؟؟؟
و لو انت او هيا وافقتوا بالارتباط ده و يجي وقت الجواز...اهلك انت او اهلك انتي هيوافقوا بالوضع ده و انتوا عارفين طبعا ان معظم اللي بيتجوزا و خصوصا طبعا الرجاله بيكونوا واخدين ستات اصغر منهم لان الطبيعي ان الراجل هو اللي يكون اكبر من الست
و لو اتجوزتوا و كانت هيا اكبر منك مش هتحس انك ظلمت نفسك و تبقى عايز تتجوز تاني عليها عشان شبابك يرجعلك تاني
انا اسفه للاطاله بس فعلا الموضوع يهمني و محتاجه اعرف رئيكوا فيه
ومعلش ممكن مقدرش ادخل باستمرار للمشاركه بسبب الامتحانات و المذاكره بس هدخل كل يوم بالليل عشان اتباع رئيكوا و كمان عشان يحيى صديقى ميزعلش مني....

__________________
خدت اللي انت خدته زمان حب و كل ليله حنان نقصك حاجه تانيه كمان؟قول علشان اكون مرتاح..دورك تستحق عليه جايزه و قلبي ده هوريه مانت نجحت تلعب بيه و دايما من نجاح لنجاح

مشكور جدا يا مااااااااااااااان