| مـقـالتـــي -1- | تشـلسي ومشـوار الثـلاثيـة ..!!

بسم الله الرحمن الرحيم ..
اول مقالاتى عن تشيلسى ارجو ان تعجبكم
وهى بقلمى صدقا

هذا اول موضوع لي عن تشلسي من فترة طويله جدا وانا شبه متأكد اغلبكم مايعرفوني .. الي مايعرفني شرف لي معرفته والي يعرفني اهلا به

حبيت اقول رأيي عن القرعة المدوية ..
بصراحة شي ينرفز نوعا ماً حظنا بالقرعة سيء وكأن محلوف على اتحاد اليوفا اننا نقابل الليفر بكل مره , لكن ان شالله تشلسي قدها خصوصا لو حسبناها ..

افضل مافي القرعة ان الاياب على ارضنا وان كان تذكرون العام وش صار , طبعا المشكلة مو بس بالليفر المشكلة بعد بالفريق الي بنقابله بعد مانتجاوز الليفر وكلها فرق حديدة [ برشلونة , بايرن ميونخ ] .. طبعا البعض بيقول لا البايرن اهون .. انا اقول نعم اهون لكن لو قابلناهم بدورالـ 16 مثلا !

لأن المشكلة مو بس بالفريق بل بعقلية الالمان نفسها وخصوصا البايرن فريق عنيد جدا جدا بالادوار المتقدمة ولو تجاوز برشلونة مثلا هل معناها انه فريق اهون ؟ ربما اهون لكن مو بالدرجة الي يتخليها البعض , والبارسا مايحتاج اتكلم عنه .. افضل ما بالموضوع ان كلا مدربي الفريقين جديدين وهذا طبعا من صالحنا

المان يو تقريبا طريقة مفروش بالورود الى حد ما .. طبعا مو بالمعنى الحرفي ولكن مقارنة بتشلسي مثلا ! اكيد يعتبر كذلك , وهالشي سواء ببطولة الكأس المحلية او ببطولة الشامبيونزليق ,, المان راح يقابل فياريال وبالكأس بيقابل ايفرتون وكل هالفريقين اسهل بكثر من [ ارسنال ] مثلا بالكأس او من [ الليفر ] ببطولة الشامبيونز ..

ومن هالمنطلق اقول المان مو بعيد عن الخماسية ومااستبعد في حالة تأهلنا ووفقنا الله , نقابلهم بكلا البطولتين [ الكأس او الشامبيونز ] .. لان المان يعتبر الاقوى حاليا بالعالم بجانب الليفر والبارسا تقريبا وتجيه قرعة زي كذا ومع حافز الخماسية اكيد بيقاتل بكل نفس باقي فيه ..

المهم انا اسف طولت الكلام بس حبيت احط معلومات اخيرة ممكن تفيدنا كـ فريق منافس بالنسبة للمان او الارسنال ..

المان والارسنال في حالة تأهلوا بالشامبيونز راح يقابلون بعض بتاريخ [ 28 ابريل بالذهاب بأرض الاول ] و [ 6 مايو بالاياب ] , وطبعا بعدها بـ 10 ايام بالضبط من التاريخ الاخير بيرجع المان يستضيف الارسنال بالدوري ..

[ يعني المان راح يقابل الارسنال بتاريخ 16 مايو .. وقبلها الارسنال راح يكون مستضيفنا بالدوري بتاريخ 9 مايو ! ]

وهالشي طبعا ممكن يخدمنا نفسيا في كلا البطولتين سواء الدوري او الشامبيونز .. البعض بيقول ولماذا بقوله مثلا لو تأهل المان مثلا ووصل للنهائي , بيكون الارسنال عنده حافز الانتقام منه بالدوري وهل هذا الشئ من صالحنا لان بيعطل المان وممكن ناخذ الاسبقيه بالعربي الارسنال ماراح يمشيها بالساهل على المان في حالة خرج منه بالابطال !

يعني انا قاعد احاول اطلع افضل السيناريوهات الي ممكن تحصل لنا , املي بتحقيق تشلسي الثلاثية وهو شي ممكن جدا خصوصا الضغوط ابد مو علينا وكلنا ننافس على 3 بطولات وبكذا نكون عوضنا اخفاق الموسم الماضي بالكامل الي كان طعنه قوية علينا .. ومن الصدفه انه ممكن يتكرر على نفس المنافس !

وان شالله اكون فال خير عليكم ونجيب الثلاثية يااارب ..

الاسئلة الي حبيت اطرحها :-

- الى اي مدى تتوقع تشلسي بينافس هالموسم من خلال معطيات نتائج الفريق الاخيرة مع هيدينك ؟
- ماهو توقعك لسيناريو مواجهة الليفر , ومن تفضل نقابل بعده وليه !؟
- توقعاتك بتحقيق تشلسي الثلاثية , حلم ولا ممكن تصير ؟ واذا عندك توقع معين قوله ..

وبالختام ان شالله التحليل يكون ناسبكم , ومروركم شرف لي ..

مشكور جداا على المجهود الكبير

مشكوووووووووووووووووور جدا

مرسى جداا ع المرور

مرسى كتير ع التوبك الجميل ومجهود اجمل واتمنا لك المزيد ان شاء الله

تقبل مرورى

مشكور جداا على المرور

مرسى كتير ع الفلم الجميل وجارى التحميل................